Ekonomika eksperti Väçeslav İoniţa nışannȇȇr, ani bu yıl paalar taa yavaş kalkȇrlar. Onun bakışına görä MD normal 5 %-lik infläţiyaya girer. Bakmayarak buna, ama yaşayannar söleerlär, ani zarzavat hem veyva paaları pek üüsek.
Yaşayannarın taa çoyu nışannadılar, ani taazä zarzavat hem meyva pek siiyrek satın alabilerlär.
«Bir morkvacıı 2-3 paya keserim, nesoysa lääzım yaşamaa. Paalar pek üüsek. Bilmeerim, Hükümet nereyi bakȇr. Yok bir dä komissiya, angısı kontrol etsin paaları. 20 ley- laananın paası! Bu ne? Nesoy yaşasın insan».
«İkişäricik herbirindän alȇrım , taa çok diil».
«Annȇȇrız, ani hepsi paalı, ama malı büüdän çiftçi da çok işleer. Biz yok nicä bununnan kayıl olmayalım, çünkü bu izmetin aarlıını bileriz».
«Satın alȇrız, ama diil sık. Bu pensiyaylan etmeer».
«Halk fukaarä, paalar sa pek büüyerlär. Var mı nicä bu pensiyaya yaşamaa? Geldim almaa patlacan, 35 ley kilası, nesoy alayım?»
«Pek alamȇȇrız, çünkü herbir iş paalı. Alȇrız ne ucusça, ama kalitesi başka».
«Taa ucuz yapsınnar, çünkü yaşayannarın pensiyaları pek küçük. Bilmeersin ilaç mı, imelik mi almaa».
«Pek paalı».
«Alȇrım, çünkü imää lääzım».
Ekonomist Galina Şalar nışannadı, ani statistikaya görä paalar yavaş kalkȇrlar, ama insannarın harçları gelirlerindän taa zeedä.
«Biz sansın aylık paramızı taa çok kablederiz, ama satın almaa bişey bu paraya taa az yakışȇr. Alarak esaba o olayları, angıları moldovada var, sölemää, ne olacek paalarlan sabaa, birisi alınmayacek. Çiftçi yılı başarılȇr, ama nesoy başlayacek eni çiftçi yılı, ne olacek paalarlan imäk mallarına -hepsi çekiler ondan, nesoy durum energetika panayırında olacek»,- nışannadı ekonomist.
Ȇkonomika eksperti Väçeslav İoniţa nışannȇȇr, ani bu yıl paalar kalkȇrlar, ama taa yavaş. Onun bakışına görä Moldova 5 %-lik infläţiya uuruna girer.
«Şindi paalar büümerlär, ama zarzavatların paası en çok zeedelendi. Alarak esaba, ani ay paraları zeedelendi, büün bu kazançlan insan taa az mal satın alȇr, nekadar 4 yıl geri alardılar. Zarzavat ama taa az»,- еkonomika eksperti Väçeslav İoniţa nışannȇȇr.
Statistika sayılarına görä, bitki yılda en çok paalılandı imäk malları -37%-dä.
Avtor: A.Terzi, operatorlar: V.Kıssa, S.Georgiev, montaj: A.Gerçu.