«Аlternativa» bloku Коmradın yaşayannarınna buluştular. Oluşun sırasında aktual soruşlar, ne baalı soţial-ȇkonomika durumunnan regionda hem onnarın çözülmesinnä.
Komradın yaşayannarı insanın fukaarä yaşamasını, iş erlerin hem soţial yardımın yoksuzluunu belli ettilär. «Аlternativa» blokun temsilcileri belli ettilär hazırlıını işlemää var olan problemalarlan. Blokun liderların biri İon Kiku söledi nekadar önemli vatandaşların istedikleri devlet programanın kurulmasında.
«Açan devlet programasını kurȇrız yada nesoy-sa karara geleriz, önemli insannarın düşünmeklerini bilmää, çünkü onnar insannarın problemalarını açıklȇȇrlar»,- İon Kiku söledi.
Buluşmanın pay alannarı yufka kolaylıklarlan kategoriyaların soţial durumunu açıkladılar, söledi «Аlternativa» blokun liderların birisi Mark Tkaçuk: «Soruşların çoyu – soţial uurundan: nicä insan yaşayabiler, uşaklarını doyurabiler, nicä ana-bobalara yardım etmää, nicä insannıı bu yaşamakta korutmaa».
İnsan zor yaşȇȇr hem onun durumunu taa üüsek uura getirmää – bunu blokun liderları ön erä çıkardılar. «Аlternativa» blokun liderların birisi Aleksandr Stoyanoglo söledi, ani politikayı yaşayannarın sorumnarına görä lääzım kurmaa.
«Biz lääzım yapalım hepsini, ki devleti fukaareliktän çıkaralım. Biz lääzım iş erlerini açalım, ȇkonomikanın başka modelini çıkaralım. Hem biz lääzım esaba alalım insannarı, kim bizdän tutturmayı bekleer»,- Aleksandr Stoyanoglo söledi.
«Аlternativa» blokun liderların birisi İon Çeban aylä paalılıkların korunması için söz etti.
«Nesoy da programaları cümneyä teklif etmesäk, biz tradiţiyalarımızı temelä lääzım koyalım. Onnarın paalılıklarını»,- İon Çeban söledi.
Buluşmak açık dialog formatında geçti, neredä isteyennerin oldu kolalıkları soruşlarını açıklasınnar.
Moldovanın hem Gagauziyanın en mekalı haberleri GRTnın Telegram kanalında!