Komrat kasabasının Kemal Atatürk adına türk bibliotekasında açıldı resimcinin Nadejda Dianovonun personal sergisi. İncä zanaatın sevennerinä o hazırladı 60 resim, angıları yazılı akvarel, grafika hem neyrografika tenkikalarında.
Sekiz yaşından resimci Nadejda Dyanova ilk sıra çeketti resimnemää, nedän sora ilerletti üremesini resim şkolasında, neredä dä tanıştı incä zanaatın özel janralarınnan. Onun işleri yapılı akvarel, grafika hem neyrografika stillerindä. Nicä çizgiledi avtor, ihlam geler ona birdän, gördü — resimnedi.
«Bu işlär, angıları bulunȇrlar sergidä, yapıldılar hızlı, neçinki bän taa ileri hiç bir zaman da pay almadım sergilerdä, yapardım işleri satmak için. Te nicä söledilär benim dostlarım, burada bän açıkladım kendi havezimi zamandaşta. Bu işlär yapıldılar 4 günün içindä»,- annattı resimci.
Nadejda Dyanova nışannadı, ani onun soyunda yoktu insannar, angıları çekilärdilär incä zanaatlara. Bakmadaan buna, resimciykanın kızı gitti anasının izlerindän. Nicä nışannadı kendisi Nadejda, stilleri kullanȇr havezinä görä. İşlerin çoyu adalı karılara, onnarın duygularına.
«Eеr bän istämärsäydim kirlenmää akvarellän, guaşlan, yaalan, bendä ozaman var kalem, erlim yoksaydı kalem da, o zaman marker, var nasıl sölemää, ani may bütündän neyrografika yapılı markerlan»,- Nadejda Dyanova nışannadı.
Dmitriy Savastin adına resim okulun üüredicisi Nina Peeva nışannadı, ani Nadejda — onun ilk üürenicisi da pek talantlı.
«Bän pek sevinerim, ani bendä var bölä üürenici, neçinki çoyu tehnikayı kullanȇrlar, ama resimci olȇrlar en kaavilär, angıları inanȇrlar kendilerinä, kendi neetlerinä. Nadejda halezdän onnarın birisi»,- Nina Peeva nışannadı.
Sergiya katılannar nışannadılar uzmanın Dyanova Nadejdanın üüsek uurunu yaratma işlerindä.
«İş, angısını bän en pek severim, bu resimcinin Dyanova Nadejdanın avtopartreti neyrografika tehnikasında»,- nışannadı Vasilisa Tanasoglo.
Resimcinin Dyanova Nadejdanın işlerinnän var nasıl taa yakın tanışmaa bir ayın süresindä.
Moldovanın hem Gagauziyanın en mekalı haberleri GRTnın Telegram kanalında!